Iosu Uribetxebarriari babesa emateko borrokaldiak martxan jarraitzen dute

Gaixotasun larri eta sendaezinak dituzten presoen aferarekin jarraituz, Iosu Uribetxebarria ere hiltzen ari den arren preso jarraitzen du, eta Espainiako eta Frantziako espetxeetan dauden euskal preso politikoek euren babesa ematen jarraitzen dute, Etxerat elkarteak jakinarazi duenez. Iosu Uribetxebarria gose greban sartu zenetik, borroka ezberdinak jarri dituzte martxan euskal preso politikoek; hauetako gehienak gose greban sartu zirelarik.

Espetxeetako borrokak forma ezberdinak izan dituzte, ekimen ezberdinak burutu direlarik: barauak, espetxeko janariari uko egitea, itxialdiak, elkarretaratzeak... Baina, euskal preso politiko gehienek gose grebak egin dituzte, eta egiten jarraitzen dute. 58 espetxetik gora izan ziren gose greban sartu ziren espetxeak. 

Egunak aurrera joan diren heinean zenbait presok gose grebak bukatutzat eman behar izan dituzte arazo fisikoen ondorioz: konortea galtzea, bilirrubinarekin arazoak, giltzurrunetako arazoak, glukosarekin arazoak... 

Zenbait kasutan arazo hauek presoen osasunean ondorioak izan dituzte, adibidez:

• Sevilla II espetxean aurkitzen den Manu Gonzalez presoak gose greba amaitu behar izan zuen giltzurrunetako gutxiegitasunagatik (insuficiencia renal).
• Granadako espetxean aurkitzen den Egoitz Koto presoak konortea bi aldiz galdu zuen ziegan, oso ahul aurkitzen zen.
• Fresnesen aurkitzen den Aitor Garcia presoak koliko nefritikoa izan du.

Hala ere, arazo fisikoengatik gose grebak bertan behera utzi behar izan dituzten presoek ere beste borroka batzuk abiatu dituzte (itxialdiak, barauak...).

Zenbait presok gose greba bukatutzat eman duten arren, oraindik euskal preso politiko askok jarraitzen dute gose greban, jada egun asko direlarik ezer jan gabe daramatzatenak. Egun honako 26 espetxe hauetan jarraitzen dute gose grebak burutzen:

• Algeciras: 18 egun gose greban
• Almeria: 15 egun gose greban
• Cáceres: 16 egun gose greban
• Clairvaux: 18 egun gose greban
• Cordoba: 17 egun gose greban
• Daroca: 16 egun gose greban
• Fleury - D2: 18 egun gose greban
• Fleury - D3: 20 egun gose greban
• Fresnes - D1: 19 egun gose greban
• Fresnes - D3: 19 egun gose greban
• Huelva II: 16 egun gose greban
• Jaen II: 16 egun gose greban
• Joux La Ville: 17 egun gose greban
• Liancourt: 16 egun gose greban
• Lyon Corbas: 15 egun gose greban
• Mansilla (Leon): 16 egun gose greban (espetxe honetan preso batek )
• Monterroso: 16 egun gose greban
• Moulins - Preb. : 16 egun gose greban
• Murcia I: 15 egun gose greban
• Ocaña I: 16 egun gose greban
• Ocaña II: 15 egun gose greban
• Sevilla II: 19 egun gose greban
• Soria: 15 egun gose greban
• Valencia II: 14 egun gose greban
• Valencia III: 17 egun gose greban
• Villefranche Sur Sâone: 16 egun gose greban

Zerrendan ikus daitekeen bezala, espetxe gehienetan 15 egunetik gora daramatzate gose greban. Bereziki kezkagarria da horrenbeste egunetan ezer jan gabe egotea, honek osasunean izan ditzakeen ondorioak kontutan harturik.

Honegatik guztiagatik, egoera honekin berehala amaitzeko beharra ikusten dugu. Iosuk aske egon behar du bere eskubidea delako, eta ezinbestekoa da gaixotasun larri eta sendaezinak dituzten beste hamahiru presoak ere aske egotea. Ezin da Iosuren egoera errepikatu, eta ezin dira Txusekin izandako jarrera bezalakoak errepikatu.

Frantziar eta espainiar espetxeetatik jasotako azken informazioa: borrokaldiak

Iosu Uribetxebarriaren egoera larria dela eta, espetxeetan hainbat ekimen burutzen ari dira egunotan, Etxerat elkarteak zabaldu duenez. Espetxe batzuetan gose grebak utzi eta bestelako ekimenak burutzen ari dira. Horien artean, itxialdiak, txandakako baraualdiak, gutun bidalketak, afariari edo espetxeko janariari uko, kontaketetan salaketa txartelak erabili, elkarretaratzeak, telefono deiei uko, etab. 

Espetxe batzuetan berriz, gose greba mugagabearekin jarraitzen dute. Espetxetako zerrenda eta bakoitzean ematen ari diren gertaerak:

• A Lama: Gose greba utzi dute eta bestelako protesta ekimenak burutzen ari dira.
• Alicante: Orain arte espetxeko janariari uko egiten zioten presoek gose greba mugagabea hasi zuten abuztuaren 22an.
• Almeria: Gose greba mugagabearekin jarraituko dute. Iratxe Yánez-ek gose greba utzi zuen atzo, abuztuak 22 asteazkena, laister Madrileko Auzitegi Nazionalera eraman behar dutelako eta bidaia baldintza onetan egin nahi duelako. Zazpigarren modulokoek abuztuak 24eko gaueko 12etan gose greba utziko dute. Bertan aurkitzen den Gari Arruarte preso gaixo larria min handiak ditu eta mugitzeko zailtasunak dauzka gose grebaren eraginez.
• Badajoz: Seigarren moduloko presoek gose greba utzi zuten pasa den abuztuaren 22an. Beste moduloko lau presoek gose greban jarraitzen dute. 
• Castello I: Gose greba utzi zuten abuztuaren 22an. 
• Castello II (Albocasser): Abuztuaren 23an gose greba utzi zuten.
• Chalones en Chanpagne: Pasa den abuztuaren 18an gose greba utzi zuten. Espetxeko janariari uko egiten diote, telefono deiei uko egiten diete eta itxialdian aurkitzen dira. Bisitetarako bakarrik irteten dira ziegetetik. Patiora ere ez dira irteten. 
• Cordoba: Abuztuaren 22an gose grebe utzi zuten. Bertan dagoen Iñaki Kañas presoak abuztuaren 19an gose greba utzi zuen, botaka egiten hasi zelako. 
• Curtis: Abuztuaren 22an gose greba utzi zuten. Preso batzuk abuztuaren 19an, beste batzuk abuztuaren 20ean eta besteek 22an. 
• Estremera: Gose greba utzi zuten abuztuaren 22an. 
• Fleury: Emakumezko eta gizonezko euskal preso politikoek gose greba mugagabearekin jarraitzen dute. Baraualdi iraunkorra abuztuaren 9an hasi zuten batzuek eta 12ean beste presoek. Hortaz, preso batzuk 16 egun ezer jan gabe daramete eta beste batzuek 13 egun. 
• Granada (Albolote): Iosu Uribetxebarria askatu arte gose greba mugagabearekin jarraituko dute. 
• Herrera de la Mancha: Lehenengo modulokoek gose greba utzi dute, abuztuak 23 gauean. Astearteko itxialdiak burutuko dituzte eta gaueko kontaketan “Iosu askatu” txartelarekin egongo dira. 
• Mansilla de las Mulas (Leon): Gose greba utzi zuten abuztuaren 22an. Mikel Korta presoak gose grebarekin jarraitzen du. 
• Monterroxo: Emakumezko eta gizonezko preso politikoak gose greba mugagabearekin jarraitzen dute. Abuztuaren 13an hasi zuten gose greba mugagabea. 12 egun daramatzate ezer jan gabe. 
• Murcia II: Abuztuaren 23an eta 24ean gose greba utzi zuten preso guztiek. Emakume preso politikoek gose greba utzi behar izan dute osasun arazoak direla eta. Espetxeko medikuak dieta biguna “dieta blanda” egiteko agindu die, baino segurtasun zuzendariak ezezkoa eman die. Bertako sukaldean agindu du ez emateko inolako dieta berezirik. 
• Navalcarnero: Gose greba utzi zuten abuztuaren 22an. 
• Puerto I: Abuztuaren 22an gose greba utzi zuten. Geroztik, salaketa idatziak eta afariari uko egiten diote. Jokin Zerain presoak gose greba utzi zuen, oso ahul zegoelako eta takikardiak zituelako. Guztira 8 kilo galdu ditu.
• Puerto II: Gaur goizean, abuztuak 24, bertan dauden preso politikoek gose greba utzi dute. Horien artean, Agustin Almaraz-ek ere gose greba utzi behar izan du, bizkar-hezurreko gaitz bat duelako eta bizkarrean eta belaunetan minekin egon delako. 
• Topas: Bertan dauden presoek gose greba utzi dute
• Uzerche: Mattin Olzomendi presoak espetxeko janariari uko egiten dio abuztuaren 13tik.
• Valladolid: Gose greba utzi dute eta bihartik aurrera, abuztuak 24 ostirala, txandakako baraualdiekin hasiko dira. Egun bakoitzean modulo batek baraua egingo du. 
• Zuera: Abuztuaren 23an gose greba utzi zuten.

420 euskal preso politiko baino gehiagoren ekimenak Iosuren askatasuna eskatzeko

420 preso politiko inguru ekimen ezberdinak burutzen ari dira azken orduetan, gaixotasun larria eta sendaezina duen Iosu Uribetxebarria eta eri dauden gainontzeko 13 euskal preso politikoen egoera salatu eta bere berehalako askatasuna eskatzeko. Algortako preso politikoen gehiengoak gose greba mugagabeari ekin dio, Uribetxebarriaren egoera salatu eta bere berehalako askatasuna exijitzeko. Bestelako protestak burutzen ari dira baita; itxialdiak ziegetan, espetxeko janariari uko, elkarretaratzeak, gutun bidalketa Ministeriora, baraualdi txandakatuak, etab.