Kontxako estropaden egun handiaren baitan goizean ikuskizuna uretan izan bada, eguerdian elkartasuna eta giza eskubideen aldeko aldarria protagonista nagusia izan da Donostiako Boulevarden. Bertan, Herrira mugimenduak antolatutako Azken Ziabogak arrakasta handia izan du eta ehunka lagunek hartu dute parte boga sinboliko eta erraldoi honetan. Herriraren webgunean argazki galeria, Agustin Rodriguezek eta Nagore Garciak hedabideen aurrean egindako adierazpenak eta Naiz eta EITB hedabideek egindako bideoak. Boga euskal preso eta iheslarien eskubideen alde!